ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

ម៉ាឡេស៊ីនឹងបើកការស៊ើបអង្កេតចំពោះហេតុការណ៍បែកធ្លាយឯកសារកំណត់ទូតពីរដ្ឋាភិបាលចិន

  • ចុះផ្សាយថ្ងៃទី០៥ ខែកញ្ញា ឆ្នាំ២០២៤ ម៉ោង ១៣:២២ នាទី ដោយ EAC News
  • 2159
  Aa |   aA

ម៉ាឡេស៊ី៖ ក្រសួងការបរទេសម៉ាឡេស៊ីថ្លែងថា ក្រសួងនឹងដាក់របាយការណ៍ប៉ូលិស និងអនុវត្តការស៊ើបអង្កេតផ្ទៃក្នុងលើការបែកធ្លាយឯកសារកំណត់ទូតដែលបានចាត់ថ្នាក់ដោយក្រសួងការបរទេសចិន ទៅកាន់ស្ថានទូតម៉ាឡេស៊ីប្រចាំនៅទីក្រុងប៉េកាំងកាលពីខែកុម្ភៈកន្លងទៅ។ ក្រសួងការបរទេសចិនបញ្ជាក់ថា ឯកសារកំណត់ទូតដែលបែកធ្លាយនោះត្រូវបានបោះពុម្ពនៅក្នុងអត្ថបទមួយដោយប្រព័ន្ធផ្សព្វផ្សាយហ្វីលីពីនកាលពីថ្ងៃទី២៩ ខែសីហាកន្លងទៅ ដោយក្រសួងមិនបានបញ្ជាក់លម្អិតពីខ្លឹមសារដែលបែកធ្លាយនោះទេ។ 

សារព័ត៌មានហ្វីលីពីន The Inquirer បានចុះផ្សាយអត្ថបទមួយរាយការណ៍ថា ប្រទេសចិនបានផ្ញើឯកសារចំនួន ២ទំព័រទៅកាន់ស្ថានទូតម៉ាឡេស៊ីប្រចាំនៅទីក្រុងប៉េកាំងកាលពីខែកុម្ភៈ ដោយអះអាងថាការរុករកប្រេង និងឧស្ម័នរបស់ម៉ាឡេស៊ីនៅក្នុងសមុទ្រចិនខាងត្បូងបានរំលោភទៅលើអធិបតេយ្យភាពរបស់ចិន។ យ៉ាងណាក្ដី គេមិនទាន់អាចបញ្ជាក់ ឬផ្ទៀងផ្ទាត់ភាពត្រឹមត្រូវនៃឯកសារនោះបាននៅឡើយទេ។

នៅក្នុងសេចក្ដីថ្លែងការណ៍មួយ ក្រសួងការបរទេសម៉ាឡេស៊ីបញ្ជាក់ថា ក្រសួងយល់ឃើញថាការលេចធ្លាយឯកសារនេះ ដែលអាចជាបណ្តាញទំនាក់ទំនងផ្លូវការរវាងប្រទេសទាំងពីរ ជាមួយនឹងការព្រួយបារម្ភយ៉ាងខ្លាំង។ ដោយឡែក ស្ថានទូតចិនប្រចាំនៅម៉ាឡេស៊ី ពុំទាន់មានការអត្ថាធិប្បាយណាមួយឡើយជុំវិញបញ្ហានេះ។ 

នាយករដ្ឋមន្រ្តីម៉ាឡេស៊ី លោក Anwar Ibrahim ធ្លាប់បាននិយាយថា ទីក្រុងប៉េកាំងបានបង្ហាញក្ដីព្រួយបារម្ភអំពីសកម្មភាពក្រុមហ៊ុនរដ្ឋម៉ាឡេស៊ី Petronas ដែលនាយករដ្ឋមន្រ្តីម៉ាឡេស៊ីអះអាងថាបានត្រៀមលក្ខណៈរួចជាស្រេចក្នុងការចរចាជាមួយចិនលើបញ្ហាជម្លោះដែនសមុទ្រ។ ក្រុមហ៊ុន Petronas ឬ Petroliam Nasional Berhad ដែលធ្វើប្រតិបត្តិការអណ្តូងប្រេង និងឧស្ម័ននៅសមុទ្រចិនខាងត្បូងក្នុងតំបន់សេដ្ឋកិច្ចផ្តាច់មុខរបស់ម៉ាឡេស៊ី ហាក់មានការប៉ះទង្គិចកាន់តែច្រើនឡើងជាមួយនាវាចិនក្នុងរយៈពេលប៉ុន្មានឆ្នាំចុងក្រោយនេះ៕


ព័ត៌មានជាច្រើនទៀតសម្រាប់អ្នក